Saturday, November 20, 2010

കരുതലുകള്‍


നിലക്കാത്ത
ഉറവില്‍ നിന്ന്
കണ്ണീര്‍ കോരി കുടിക്കുക
 ഒടുങ്ങാത്ത
കൊടുംകാറ്റില്‍
നിന്ന് വിയര്‍പ്പു വറ്റിക്കുക
 അലയടങ്ങാത്ത കടലില്‍ നിന്ന്
ദാഹം തീര്‍ക്കുക
അതിരില്ലാത്ത ആകാശത്തില്‍
 ഒരു പട്ടമാവുക
വാടിയ പൂക്കളില്‍
ഒരു ശലഭമാവുക
ഒരു മരത്തിനെങ്കിലും
വേരാവുക
കാലിന്നടിയില്‍ ഒഴുകിപ്പോവുന്ന
മണലാവുക
ഒടുക്കം
ഒരു കിണര്‍ നിന്നെ
തേടി വരും വരെ
ആഴങ്ങള്‍ ഓര്‍ത്തിരിക്കുക

No comments:

Post a Comment