kavibasha.blgospot.com

Post Top Ad

ശിവപ്രസാദ് പാലോട്

www.kavibasha.blogspot.com

Friday, December 31, 2010

5:54 AM

മതിലും ചുമരും

മതിലും ചുമരും



വീടിന്നു പുറത്തെ
മതിലുകലെക്കള്‍
പ്രശ്നം അകത്തെ മതിലുകലാണ്,
വീടിന്നുള്ളിലെ ചുമരുകലെക്കാള്‍
പ്രശ്നം പുറത്തെ ചുമരുകളാണ്
മതിലുകളും
ചുമരുകളും ചേര്‍ന്നാണ്
വീടുകളിലേക്ക്
വഴികളുണ്ടാക്കിയത്

Thursday, December 30, 2010

Wednesday, December 29, 2010

7:44 AM

പരീക്ഷ

kavibhasha: പരീക്ഷ

ഒറ്റ വാക്കില്‍
ഒരു ഉത്തരമായിരുന്നു
അവള്‍ക...
: "പരീക്ഷ ഒറ്റ വാക്കില്‍ ഒരു ഉത്തരമായിരുന്നു അവള്‍ക്കു വേണ്ടിയിരുന്നത് ഞാന്‍ പക്ഷെ , മൂന്ന്‌ പുറത്തില്‍ കവിയാതെ, ഉപന്യസിക്കുകയായിരുന്നു പി..."
7:41 AM

കുറുങ്കവിതകൾ

പരീക്ഷ

ഒറ്റ വാക്കില്‍
ഒരു ഉത്തരമായിരുന്നു
അവള്‍ക്കു വേണ്ടിയിരുന്നത്
ഞാന്‍ പക്ഷെ ,
മൂന്ന്‌ പുറത്തില്‍ കവിയാതെ,
ഉപന്യസിക്കുകയായിരുന്നു



പിന്തുണ


പിന്നില്‍ നിന്ന് 
കുത്തുകയാണ് എങ്കിലും
 കണ്ണ് പൊത്തുകയാണ് 
എങ്കിലും
പിന്തുണ ഉണ്ട് 
എനിക്ക് ഏറെ ....

Sunday, December 26, 2010

7:04 AM

ഭൂമി വില്പനയ്ക്ക്

        ഭൂമി വില്പനയ്ക്ക്



 






വഴിയോരതെല്ലാം
വലിയ  വലിയ ബോര്‍ഡുകള്‍
ഈ സ്ഥലം വില്പനയ്ക്ക്


നിരത്തിയ കുന്നുകള്‍
നികത്തിയ പാഠങ്ങള്‍
ഭൂമി മുഴുവന്‍ നിരത്തുകയാണ്
ഇനി ഭൂമിക്കുമേല്‍ ഒരു വലിയ
ബാനര്‍ വയ്ച്ചാല്‍ മതി
ഭൂമി വില്പനയ്ക്ക്
7:00 AM

വരി നില്‍ക്കുന്നവര്‍

വരി നില്‍ക്കുന്നവര്‍



ഒന്ന് കൈ കുത്തി
എഴുനേല്‍ക്കാന്‍ പോലും
 വയ്യാതെ കിടക്കുകയാണ് അവള്‍

ദേഹത്തില്‍ എല്ലായിടത്തും
 നഖ ക്ഷതങ്ങള്‍
കണ്ണില്‍ നിന്നും
ഒലിച്ചിറങ്ങുന്ന
അവസാനത്തെ ചോലയും
നക്കി കുടിക്കാന്‍
നാം ചെന്നയ്ക്കളായി
അക്ഷയ സെന്റെരുകള്‍ക്ക് മുമ്പില്‍
വരി നില്‍ക്കുന്നു

Saturday, December 25, 2010

7:57 AM

സംവരണം

                                                            സംവരണം                        

കവലക്കടയിലൊരു
വികലാംഗ  ബെഞ്ചില്‍ 
വരൂ മഞ്ഞച്ച ഗ്ലാസില്‍  
 ഒരു സംവരണ ചായയാവാം 

ഗഹന വിഷയങ്ങള്‍ക്ക്‌
അറിവില്ലയ്മയിലിടം
നമുക്ക് ചര്‍ച്ച
മഴ മഞ്ഞു വെയില്‍ കനം

ഓല തടുക്കു തിയറ്ററില്‍
ഭ്രംശ കാഴ്ചകളുടെ തുച്ച ടിക്കെട്ടില്‍ 
സ്നേഹിതാ
കഥയില്‍ ചോദ്യമുള്ള
ഒരു പടം കണ്ടിറങ്ങി
വരി നിന്ന് മോന്താം
നടനില്‍ നിറം ചേരും
പരദേശി പ്രേതത്തെ
വെള്ക്കാം ചൂടിയ പൂ
വീണ്ടും വിരിയുന്ന പാഴ് രാത്രിയെ

നമ്മുടെ വിയര്‍പ്പിന് നാട്ടമില്ല
വിശപ്പിനു ഏമ്പക്കവും
ടഹതിനെ നിശ്ശ്വാസവുമില്ല
സ്വപ്നത്തിലോ
മുറവും മുറ്റവും ചൂലും,
ചൂരും കൊതുകും,
പായും മൂട്ടയും,
ചൊറി, ചിരങ്ങുകളും,
കട്ടപ്പാര ,പേരും ചുറ്റിക,
പൊള്ളുന്ന ഒരാല,
മഴു,പഴംപാട്ട്,


ആനുകാലികത്തിന്റെ
ഒടുങ്ങാത്ത ചവറ്റുകുട്ടയിലേക്ക്
ഒരു സംവരണ കവിതയുടെ  
കുമ്പസാരം ചുരുളുംപോള്‍
ഒറ്റുകാരാ ഞാന്‍ നിന്റെ ഇര
എന്നെ കൊതി പറന്നകന്നിടുക
ഇത് അധികാരത്തിന്റെ 
നിയോജക മണ്ഡലം

Friday, December 24, 2010

8:10 AM
നാട്ടുകല്‍ മഖാം ഉറൂസ് ആരംഭിച്ചു

പ്രസിദ്ധമായ നാട്ടുകല്‍ മഖാം ഉറൂസ് ആരംഭിച്ചു. പാണക്കാട് സയ്യിദ് അബ്ബാസലി ശിഹാബ്തങ്ങള്‍ ഉത്ഗടനം ചെയ്തു .ഇസ്ലാം പരസ്പര വിശ്വാസത്തിന്റെയും സ്നേഹത്തിന്റെയും സന്ദേശമാണ് നല്‍കുന്നതെന്ന് അദ്ദേഹം പറഞ്ഞു.

Wednesday, December 22, 2010

7:42 AM

സ്വാദുകള്‍

സ്വാദുകള്‍

മിന്നല്‍
 പണി മുടക്കുകളുടെ നാടേ
പാതി തുറന്ന
ഷട്ടരിനുള്ളിലെ
തട്ടുകടയിലിരുന്നു
ഇന്ന് ഞാന്‍ നിന്റെ
വറുത്ത ഇറച്ചി
കഴിക്കുന്നു
7:18 AM

വൈരുദ്ധ്യാത്മകം

വൈരുദ്ധ്യാത്മകം

രണ്ടാം ക്ലാസ്സില്‍
ഒന്നും ഒന്നും കൂട്ടിയാല്‍
എത്രയെന്ന ചോദ്യത്തിന്
 ഇമ്മിണി ബല്യ ഒന്നെന്നു
ഉത്തരം പറഞ്ഞതിന്
ചന്തി പൊള്ളിച്ച
ദാസന്‍ മാഷിതാ
എഴാം ക്ലാസ്സില്‍ 
 മലയാളത്തില്‍
ബഷീറിനെ പഠിപ്പിക്കുമ്പോള്‍
ഒന്നും ഒന്നും
ഇമ്മിണി ബല്യ ഒന്നെന്നു
പിന്നെയും
 പിന്നെയും
 ആസ്വദിച്ച് 
പഠിപ്പിക്കുന്നു  

Monday, December 20, 2010

7:39 AM

പക്ഷങ്ങള്‍

                                                             പക്ഷങ്ങള്‍

മൂന്ന്‌ സുഹൃത്തുക്കള്‍ 
ഒരാള്‍ ഇടതന്‍ 
ഒരാള്‍ വലതന്‍ 
ഒരാള്‍ നിഷ്പക്ഷന്‍
 രണ്ടാളുകളേയും വിമര്‍ശിക്കുന്നവന്‍ 
വല്ലപ്പോഴുമൊക്കെ തലോടുന്നവന്‍
  രണ്ടാള്‍ക്കും പക
 നിഷ്പക്ഷനോടാണ്  
ഇപ്പോഴും വീണു കിട്ടുന്ന 
ബന്ധുകള്‍ക്കിടയില്‍
 നിഷ്പക്ഷന്റെ ജനാലച്ചില്ലുകള്‍ 
ഏപ്പോഴും  ഉടഞ്ഞു തന്നെ

Saturday, December 18, 2010

7:07 AM

വിരുന്നുകള്‍

                                                              വിരുന്നുകള്‍


   എടത്തിലച്ചന്‍   വിരുന്നു വന്നു 
എന്ത് നല്ല തമ്പുരാട്ടി
 അടിയന്റെ കുട്ടികള്‍ക്കൊപ്പം 
ആട്ടക്കളവും  കളിച്ചു 
ഉപ്പേരിയും തിന്നു 


 എടത്തിലച്ചന്‍ പെട്ടി തുറന്നു
അയ്യയ്യ എന്തൊരു കോപ്പുകള്‍ 
അയലോക്കതെക്ക് തൊടുക്കാന്‍ വാനപ്പടക്കം
കടലാസുപുലി, 
എന്തൊരു പാല്‍ ഞെരംപുള്ള  പശു  ,


എടത്തിലച്ചന്‍  മിണ്ടിയിയില്ല 
അടിയന്റെ കൂട്ടരേ 
പൊള്ളിച്ചു കൊന്നു
ഏടത്തിലച്ചന്റെ ഇടത്തിലേക്ക് 
പാറിപ്പോയ  കള്ളക്കാക്കയെപ്പറ്റി,
അടിയനു മാട്ടും മാരണവും ചെയ്യും 
അയലോക്കത്തെ ദുഷ്ടനെ പറ്റി 


എടത്തിലച്ചന്‍ മിണ്ടിയല്ലോ
സര്‍വാണി സദ്യക്ക് 
അടിയന്റെ പേര് 
ചൊല്ലി വിളിക്കാമെന്ന് 
അടിയനും പെണ്ണിനും  
ഇടത്തിലെ എച്ചില്  
കോരാന്‍ പണി തരാമെന്ന് , 


അതുകൊണ്ടാണല്ലോ
 അടിയനും കൂട്ടരും നാട് നീളെ 
തുടിയും കൊട്ടി പാടിയത്‌   
പുത്തൂരം വീട്ടില്‍ പിറന്നോരെല്ലാം 
 പൂ പോല്‍ അഴകുല്ലോര്‍ ആയിരുന്നു

Saturday, December 4, 2010

5:43 AM

കുറുങ്കവിതകൾ

ഇരകള്‍

പച്ചക്കറി കഷണമോ
മണ്ണിരയോ
അതോ നിന്റെ വര്‍ഗത്തിലെ 
ചെറുത്‌ ഒന്നോ ?
ചൂണ്ടക്കാരന്‍
മീനുകളോട് വിളിച്ചു ചോദിച്ചു]
മീന്‍ മൂന്നാമത്തെ ഓപ്ഷന്‍
തിരഞ്ഞെടുത്തു



കാഴ്ച

കണ്ണടച്ചിരുട്ടാക്കി,
ഇരുട്ടാക്കി,
ഇപ്പോള്‍
കണ്ണ് തുറന്നപ്പോള്‍,
കാണുന്നതൊക്കെ
ഇരുട്ടുമാത്രം....

Friday, December 3, 2010

6:59 AM

സ്വാതന്ത്ര്യം

സ്വാതന്ത്ര്യം

ഇരുട്ടില്‍
വെളിച്ചം
കണ്ട
ഇയ്യാംപാറ്റകള്‍
സ്വാതന്ത്ര്യം, സ്വതന്ന്ത്ര്യം
എന്ന് ആമോദം
ഉരുവിട്ട്
തീയിലെക്ക്
പൊരിഞ്ഞിറങ്ങി


രണ്ട്‌

അസംബ്ലിക്ക്
പതാകയുയര്‍ന്നു
കൊടിമരച്ചുവട്ടില്‍
പതാകഗാനം
ഉയര്‍ന്നു
കാല്‍ച്ചുവട്ടിലെ
പ്ലാസ്റ്റിക്‌
പതാക മാത്രം
ചെരിപ്പിന്റെ
ചവിട്ടു കൊണ്ട്
 കരഞ്ഞു

മൂന്ന്‌

ബജറ്റില്‍
പേന വാങ്ങാന്‍
വകയിരുതിയതിന്റെ
 എട്ടിരട്ടിയാണ്
പേനാക്കത്തി വാങ്ങാന്‍
വകയിരുത്തിയത്

നാല്

ഒബാമക്ക്
സമാധാനത്തിന്റെ
 നോബല്‍ സമ്മാനം
കിട്ടിയതുകേട്ടു
സ്വര്‍ഗത്തില്‍
 സുഭാഷ് ചന്ദ്രബോസ്
മഹാത്മാഗാന്ധിയോടു
പറഞ്ഞു
 ഒബാത്മ  
 ഒബാത്മ

Wednesday, December 1, 2010

7:05 AM

ചേരപുരാണം

ചേരപുരാണം

വിജയന് ചേരകളെ
വലിയ കാര്യമായിരുന്നു
എത്രയെത്ര ചേരകളാണ്
കമ്പിയില്‍ കുടുങ്ങിയത്തില്‍ നിന്നും
വലയില്‍ കുടുങ്ങിയതില്‍നിന്നും
സ്ക്കൂള്‍ കുട്ടികളില്‍നിന്നും
വിജയഹസ്തത്താല്‍ മോചിതരായത്
വിജയന്‍ ജോലി തേടി
ചേരയെ തിന്നുന്ന
നാട്ടിലെത്തിയപ്പോഴാണ്
കാര്യം പരുങ്ങലിലായത്
ചേരയെ തിന്നുന്ന നാട്ടില്‍
ചെന്നാല്‍ നടുമുറി ചോദിച്ചു
തിന്നണമെന്ന ആപ്തവാക്യം
ഓര്‍ത്തിട്ടാവണം
വിജയനും തിന്നു
 ഒരു ചേരയുടെ നടുമുറി തന്നെ
പിന്നെപ്പിന്നെ വിജയന്‍
ചേരകളെ കണ്ടാല്‍ വിടതായി
 പ്രധാന ആഹാരം
 ചേര തന്നെ
ചേരകള്‍
പിന്നെ വിജയസമക്ഷത്തില്‍
 എത്തിപ്പെടതെയായി
ചേരയെ പ്രസവിച്ചത് കൊണ്ട്
മാത്രം വഴി അടിച്ചു
വാരുന്ന ചില അമ്മമാരും
അള മുട്ടിയാല്‍ കടിക്കുന്ന
ചില ചേരകളും മാത്രം
വിജയനെതിരെ സമരം ചെയ്തു
വിജയന് ഇതിനിടെ ചില ബിരുദങ്ങളും കിട്ടി
വിജയന്‍ നെടുംചെരലാതന്‍
വിജയന്‍ ചെങ്കോട്ടുവാന്‍
എന്നിങ്ങനെ
ഇതെഴുതുമ്പോഴും
 പാവം എന്റെ വിജയന്‍
ചേരയെ തേടി നടക്കുകയാണ്
ഒരു ജോലിയുണ്ടാക്കിയ
പുകിലോര്‍ത്തും
 ഒരു പഴംചൊല്ലിന്റെ
അറം ആലോചിച്ചും
ഞങ്ങളിപ്പോള്‍
ആല്‍ത്തറയില്‍ തലകുനിച്ചിരിക്കുന്നു