Sunday, October 30, 2011

കുരയ്ക്കുമ്പോള്‍ 

അപ്പുറത്തെ വീട്ടിലേക്കു 
കള്ളന്‍ കയറിപോകുന്നത് കണ്ടു 
 അള്‍സേഷ്യനും ഡോബാര്‍മാനും
 മിണ്ടാതെ കിടന്നു.
ആരാന്റെ വീടല്ലേ
 നമുക്കെന്ത്‌ ചേതം ...
എന്നാല്‍ 
തെരുവ് ചാവാലി പട്ടി മാത്രം
 ഇരുട്ടിനെ നോക്കി 
കുരച്ചു കൊണ്ടേയിരുന്നു.....
ഒന്നാം പാഠം 



പൂക്കാലത്തില്‍ നിന്നും
 ഒരു പൂ പറിച്ചീടുക 
മഴക്കാലത്ത് നിന്നും 
ഒരു മഴ നൂല്‍ പിരിച്ചെടുക്കുക 
 വേനലില്‍ നിന്നും 
ഒരു വെയിലിഴ പറിച്ചെടുക്കുക 
മഞ്ഞു കാലത്തില്‍ നിന്നും
 ഒരു കുളിര്‍ കൊണ്ടെടുക്കുക 
പൂവും വെയിലും മഴ
യും മഞ്ഞും മഴയും കുളിരും 
നെഞ്ചിലൊരു പാത്രത്തില്‍ 
ചേര്‍ത്ത് വയ്ക്കുക 
എന്നിട്ട് ഹൃദയമെന്നു പേരിടുക 
മണിയടികള്‍ 



സ്കൂള്‍ ബെല്ലിനു 
ഭാഷകള്‍ ഏറെയുണ്ട് 
ഒരു കൂട്ടിയടി കൊണ്ട് 
ഒരു ലോകം ഒരുക്കൂട്ടാം
ഒറ്റ ബെല്ലുകൊണ്ട് 
മൌന പ്രാര്‍ത്ഥന നടത്താം 
മറ്റൊരു കൂടിഇയടികൊണ്ട് 
പശിയടക്കാം 
ഒടുക്കം നാല് മണിക്ക് 
നാളത്തെ പൌരന്മാരെയൊക്കെ 
കുട്ടികള്‍ ആക്കാം 
എന്‍മകജെയിലെ തുന്പികള്‍



തുലാമാസ 
വേവലാതി പകലില്‍ 
ഒറ്റക്കും തെറ്റയ്ക്കും 
പറന്നു വന്ന തുന്പി ക്കൂട്ടം
ചിറകരുകുകളില്‍
 ക്രോധക്കടുംനിരം പേറി
ഇരുപ്പിലുംഎടുപ്പിലും
പകയുടെ ചുടു കാറ്റ്‌
 മരുന്നടിച്ചു മയങ്ങിക്കരിഞ്ഞ 
തളിരുകല്‍ക്കുമേല്‍ 
ഒറ്റക്കും തെറ്റയ്ക്കും
 പറന്നു വന്നു കനല്‍ കൂട്ടം 
അവസാന ശക്തിയുമെടുത്ത് 
തുന്പികളെടുക്കുന്നു കല്ലുകള്‍ 
പനി കടുത്ത പെരുംകല്ലുകള്‍ 
കൂര്‍പ്പ്പിന്റെ കറുംകല്ലുകള്‍ 
അന്ന് പകല്‍ 
വിഷമേന്തിവനനവര്‍ക്ക് മീതെ 
പകയായി പെയ്തിറങ്ങി 
തുംപികലെടുത്ത്ത കല്ലുകള്‍ 
മൂവന്തിയാകും മുന്‍പ് 
ശേഷക്രിയ പൂര്‍ത്തിയാക്കി 
ഇനിയും പേരിടാത്ത ആകാശത്തേക്ക് 
ഒറ്റക്കും തെറ്റയ്ക്കും 
തുന്പികൂട്ടം പറന്നു പോയി.