kavibasha.blgospot.com

Post Top Ad

ശിവപ്രസാദ് പാലോട്

www.kavibasha.blogspot.com

Wednesday, December 14, 2011

ഒറ്റയ്ക്ക് ഒരു വീട്

ഒറ്റയ്ക്ക് ഒരു വീട് 




ഒരു വീട് കണ്ടൂ
അടുപ്പിന്‍ പുകക്കുഴല്‍
മാറാലകെട്ടിയടഞ്ഞിരിപ്പൂ

മുറ്റത്ത്
വാര്‍ പൊട്ടിയ ചെരിപ്പും
കെട്ടടര്‍ന്ന ചൂലും
കാക്കകളാത്മരോഷത്താല്‍
കൊത്തിത്തകര്‍ത്ത
ജനാലകളും

ഒരു വീട് കണ്ടു
സ്വപ്‌നങ്ങള്‍ കടം വാങ്ങി
പൊക്കിയുണ്ടാക്കിയ
ആമത്തോട്‌

ജീവിതം പോറിയിട്ട
ഗുഹച്ചുമര്‍,
നെഞ്ചില്‍ നിന്നിറങ്ങി പോകും
നാഗങ്ങള്‍ പെറ്റുകിടക്കും
മച്ച്ചകം

ഇരുളിന്റെ പോന്തക്കുള്ളില്‍ നിന്നും
വീടിനെ നോക്കി മുരള്‍ച്ച്ചകള്‍
അതിര്‍ത്തികളില്‍
കുരച്ച്ചെത്തും കൊതികള്‍

പേടിപ്പനി കിടുക്കുന്ന
യാമങ്ങളില്‍ വീട്
ഒരു പുള്ളിന്റെയായാലും
സാന്ത്വനം തേടുന്നു

എന്ന് വരും
പഥികരെന്കിലും
കാത്തിരുപ്പുണ്ടൊരു  വീട്

ശ്മാശാനത്തിലെക്കുള്ള
വഴിയരികില്‍
ഒരു വീട് കണ്ടൂ
അടുപ്പിന്‍ പുകക്കുഴല്‍
മാറാലകെട്ടിയടഞ്ഞിരിപ്പൂ..
.

No comments:

Post a Comment