kavibasha.blgospot.com

Post Top Ad

ശിവപ്രസാദ് പാലോട്

www.kavibasha.blogspot.com

Tuesday, December 6, 2011

ഉന്നം

                                            ഉന്നം 
പാതവക്കിലെ നോക്കുകുത്തി ,
പാവം കിളി,
എത്താ കൊമ്പിലെ മാങ്ങ,
കൂട്ടുകാരിയുടെ ചാരിത്ര്യം,
സുഹൃത്തിന്റെ ഇട നെഞ്ച്,
അയല്‍ പക്കത്തെ ജനല്‍ ,
അതിര്‍ത്തി ലംഘിച്ച പട്ടം,
മടിക്കുത്തഴിച്ച തെരുവ് ,
പലായനം ചെയ്യുന്ന കൊറ്റികള്‍..

ഒരു പാടു പേര്‍ കല്ലെറിഞ്ഞു പഠിച്ച
ഒരു ഉന്നമാണ് ഞാന്‍

കാത്തു നിന്ന നാട്ടിടവഴി ,
ദംശനങ്ങളുടെത് ,
മടിയില്‍ തലചായ്ച്ച വാകചോട്,
കുരുതിയുടെത്,

കൊടിയുടെ താഴെ
ഒലിച്ചു പോകുന്ന ചോര ,
ചക്കാലക്ക് നീളുന്ന
ഉറുമ്പുകള്‍ ,

ഉന്നത്തിന്റെ ധര്‍മം എന്നും
സഹനത്തിന്റെതായതിനാല്‍ തന്നെ

ഒരു പാടു പേര്‍ കല്ലെറിഞ്ഞു പഠിച്ച
ഒരു ഉന്നമാണ് ഞാന്‍ .

No comments:

Post a Comment