Wednesday, December 21, 2011

എന്ന് ഒരു കുയില്‍ 
==========

കൂടു മാറിയിട്ട മുട്ടകളോക്കെയും
സ്വപനത്തിലടവച്ചു 
വിരിഞ്ഞിറങ്ങുന്നു ..

പാടാന്‍ വിട്ടുപോയ
രാഗങ്ങളത്രയും
ചങ്കില്‍ വന്നു
മുള്ള് കൂട്ടുന്നു ..

വിശക്കുന്ന കണ്ണുമായി
പിറകെ കാലം ,
കൂടില്ലാത്ത കുയിലുകള്‍ക്ക്
തലയില്ലാത്ത മരം സത്രം ,

പേടികള്‍ വേവുന്ന
പകലുകള്‍ താണ്ടി
കനക്കുന്നയിരുട്ടില്‍ ,
ഞാനിരിക്കുന്നോരീ ചില്ലയും
ഒരു കാറ്റിലോടിഞ്ഞു വീണേക്കാം

അതിനു മുമ്പേ ഞാന്‍
ബാക്കിവച്ചോരീ
ചെറു പാട്ടു വെറുതെ മൂളട്ടെ
..

No comments:

Post a Comment