പച്ച ജീവിതം
പച്ച മനുഷ്യന് മുന്‍പില്‍
പിരിയുന്ന വഴികളനേകം,
അന്തിച്ചു നില്‍പ്പതേ
ദുസ്വഭാവം ..
ഒരു ഭാരം കരിന്കല്ലുപോലും
കുന്നിലുരുട്ടി കയറ്റി
താഴെക്കുരുളുന്നതുംനോക്കി
ചിരിക്കുന്നതെ
തത്വശാസ്ത്രം ,
ഏതുകോടിയുടെ കീഴിലും
ഒരു വേള തണല് തേടുന്നവന്‍ ,
കൊടികള്‍ നിറം വറ്റി
പാഴ്ത്തുണിയാകുംപോള്‍ ,
മൌനം കരഞ്ഞു
വീടെത്തുന്നവന്‍ ..
പച്ചമനുഷ്യന്
മുറിവേറ്റ കിളിയും,
വേഗം കൊരുക്കുംപാതയില്‍
ചുടുചോര നീന്തുന്ന
കൂടപ്പിറപ്പുകളും ,
ഉടു ചേലപോലും പറിച്ചു
നട്ടുച്ചക്ക്,
കടും വേനലില്‍ തള്ളിയ
ഇരയുടെ നോവും
കാണാതെ വയ്യ
കാണാതെ വയ്യ ..
ഭയമൊരു മദയാനയായ്‌
പിറകെയോടുമ്പോള്‍ ,
കനംകടുത്ത കാലുകള്‍
പെറുക്കി പായവേ
കൊട്ടിയടച്ച വാതിലുകള്‍
ഓര്‍ക്കാതെ വയ്യ
ഹുണ്ടിക ചില്ലറ
പോലും കടംവാങ്ങി
കണ്ടാല്‍ ചിരിക്കാത്ത
സൗഹൃദം കൈക്കൊള്ളാതെ വയ്യ ,
ചാക്കാല കൂടാതെ വയ്യ,
അന്നത്തെയപ്പം മുടക്കി
സമ്മതി ദാനത്തിന്റെ
പച്ചകുത്തെല്‍ക്കാതെ വയ്യ ,
വാര് പൊട്ടിയ ചെരിപ്പിട്ടു
മുടന്താതെ വയ്യ ,
പച്ചമനുഷ്യന്
ഏതു നാടകത്തിനും ,
പറ്റിയ വേഷം
പറ്റിയ കാണി .
പച്ച മണ്ണിലേക്കഴും വരെ
പച്ചമനുഷ്യനായ്‌,
തുടരണമേന്നുണ്ട്
അതുവരേയ്ക്കും നിങ്ങളീ
പച്ചമാംസത്തിനു
വിലയിട്ട് ചിരിചോളൂ....
പച്ച മനുഷ്യന് മുന്‍പില്‍
പിരിയുന്ന വഴികളനേകം,
അന്തിച്ചു നില്‍പ്പതേ
ദുസ്വഭാവം ..
ഒരു ഭാരം കരിന്കല്ലുപോലും
കുന്നിലുരുട്ടി കയറ്റി
താഴെക്കുരുളുന്നതുംനോക്കി
ചിരിക്കുന്നതെ
തത്വശാസ്ത്രം ,
ഏതുകോടിയുടെ കീഴിലും
ഒരു വേള തണല് തേടുന്നവന്‍ ,
കൊടികള്‍ നിറം വറ്റി
പാഴ്ത്തുണിയാകുംപോള്‍ ,
മൌനം കരഞ്ഞു
വീടെത്തുന്നവന്‍ ..
പച്ചമനുഷ്യന്
മുറിവേറ്റ കിളിയും,
വേഗം കൊരുക്കുംപാതയില്‍
ചുടുചോര നീന്തുന്ന
കൂടപ്പിറപ്പുകളും ,
ഉടു ചേലപോലും പറിച്ചു
നട്ടുച്ചക്ക്,
കടും വേനലില്‍ തള്ളിയ
ഇരയുടെ നോവും
കാണാതെ വയ്യ
കാണാതെ വയ്യ ..
ഭയമൊരു മദയാനയായ്‌
പിറകെയോടുമ്പോള്‍ ,
കനംകടുത്ത കാലുകള്‍
പെറുക്കി പായവേ
കൊട്ടിയടച്ച വാതിലുകള്‍
ഓര്‍ക്കാതെ വയ്യ
ഹുണ്ടിക ചില്ലറ
പോലും കടംവാങ്ങി
കണ്ടാല്‍ ചിരിക്കാത്ത
സൗഹൃദം കൈക്കൊള്ളാതെ വയ്യ ,
ചാക്കാല കൂടാതെ വയ്യ,
അന്നത്തെയപ്പം മുടക്കി
സമ്മതി ദാനത്തിന്റെ
പച്ചകുത്തെല്‍ക്കാതെ വയ്യ ,
വാര് പൊട്ടിയ ചെരിപ്പിട്ടു
മുടന്താതെ വയ്യ ,
പച്ചമനുഷ്യന്
ഏതു നാടകത്തിനും ,
പറ്റിയ വേഷം
പറ്റിയ കാണി .
പച്ച മണ്ണിലേക്കഴും വരെ
പച്ചമനുഷ്യനായ്‌,
തുടരണമേന്നുണ്ട്
അതുവരേയ്ക്കും നിങ്ങളീ
പച്ചമാംസത്തിനു
വിലയിട്ട് ചിരിചോളൂ....
No comments:
Post a Comment