kavibasha.blgospot.com

Post Top Ad

ശിവപ്രസാദ് പാലോട്

www.kavibasha.blogspot.com

Saturday, January 21, 2012

പടവുകൾ

പടവുകള്‍ 

പാട്ട് നിര്‍ത്തി കിളി
കൂട്ടിലേക്ക് പാറിപ്പോയി ,

വീണപൂക്കള്‍
ശാപമോക്ഷം കാത്തു
കിടപ്പായി

മലരണിക്കാടുകള്‍
വിങ്ങിപ്പൊട്ടി ,
പൊതു നിരത്തിലൂടെ
ഓടിപ്പോയി

പൂതത്തിനു
കൊണ്ടുപോകാനും
മാമ്പൂകൊഴിക്കാനും
ഉണ്ണികളില്ലാതായി ..

കളിയച്ചനു
പിടിതരാതെ
ഒഴുകുന്ന പുഴ
ചരമഗീതം
ഉരുക്കഴിച്ചു ഭൂമി ,
നിലച്ച മാതൃ ഹൃദയം

അച്ഛനും മകളും പിരിഞ്ഞു
തോളത്ത് കനംതൂങ്ങി
ഒടുങ്ങി കാളകള്‍ ,

തമസ്സും വെളിച്ചവും
ഒരു പോലെ ദുഖമായി ,

നിര്‍ത്തുന്നു പായാരം
പറയാന്‍ ഞാന്‍ ബാക്കിവച്ചത്
ചുണ്ടിലേ വന്നു
മൌനമാകുന്നു 

No comments:

Post a Comment