Monday, January 30, 2012

ദിനാന്ത്യം 



നിലാവും സ്വപ്നവും 
കൂട്ടിക്കുഴച്ചു അത്താഴം,
ഒറ്റപ്പെട്ട ഏതോ രാപ്പക്ഷിയുടെ 
പാട്ട് കുടിച്ചു തീര്‍ത്ത്,
കാത്തിരുന്നിട്ടും വരാതിരുന്ന
കൂട്ടിനു പഴിപറഞ്ഞു ,
ആശകളുടെ
തിരി താഴ്ത്തി വച്ച് ,
മൂളുന്ന പേടികളില്‍
പുതപ്പ് മൂടി ,
ഉറക്കത്തില്‍ , കണ്ണുചിമ്മുന്ന
നക്ഷത്രക്കുട്ടികള്‍ വന്നു
പറയുന്ന കഥകള്‍ കേട്ട്,
നിശാഗന്ധി പൂക്കുന്ന
യാമത്തിനെ ചേര്‍ത്ത് പിടിച്ചു ,
ജീവിതത്തിന്റെ വിരസമായ
വിഷം കുടിച്ചു ഇന്നും
ഞാന്‍ മരിക്കട്ടെ ,
നാളെ നിനക്കായി
പുനര്‍ജനിക്കാന്‍ ..

1 comment:

  1. ഓരോ ഉറക്കവും
    ഓരോ മരണം ആണെന്നല്ലേ....
    (വേര്‍ഡ്‌ വെരിഫിക്കേഷന്‍ മാറ്റണെ...)

    ReplyDelete