Wednesday, May 9, 2012



പൂരം കവിതകള്‍
ഹൃദയം കൈമാറി
കുടമാറ്റത്തിനിടയില്‍
നമ്മളെപ്പോഴോ..

മനസ്സിന്ന്
പൂരമോഴിഞ്ഞ പറമ്പ്,
പേരില്ലാ സങ്കടം

കുപ്പിവളകള്‍
കുട്ടിയെ നോക്കിച്ചിരിച്ചു ,
വാശിക്കരച്ചില്‍ 
പകലുറക്കം ,
മധുരിക്കുന്നുള്ളില്‍
കുടമാറ്റം
സ്വന്തം കയ്യിലെ
ദാരിദ്ര്യ രേഖ കണ്ടു
ഞെട്ടി 
കുറത്തി
പൂരത്തിക്കിലും
കണ്ടു ഞാന്‍ നിന്റെ
മുക്കുത്തിക്കല്ല്

പൂക്കാവടിയെ
കണ്ണിറുക്കി കാണിച്ചു
പൂരവെയില്‍

നെറ്റിപ്പട്ടം കെട്ടി
പുരുഷാരം ,
നഗ്നനാന.

പൂരം കണ്ട്
നൂലുപൊട്ടിയൊരു
ബലൂണ്‍
കതീന പൊട്ടി ,
ചെവി പൊത്തിപ്പിടി-
ച്ചൊരു ബാല്യം

.ചെണ്ടക്കോലില്‍,
കുഴമറിഞ്ഞ കാലം
പൂരപ്പറമ്പില്‍

1 comment:

  1. വായിക്കുമ്പോള്‍ മനസ്സിലെവിടെയോ എന്തോ കൊളുത്ത്തിപ്പിടിക്കുന്നുണ്ട് ..അതൊരു പക്ഷെ ഗൃഹാതുരത്വം ആവാം..കണ്ടു മറന്ന കാഴ്ചകള്‍ ഒരേ വഴിയിലൂടെ ആണെന്നത് thirichchariyumpozhulla ഗൃഹാതുരത്വം..

    ReplyDelete