kavibasha.blgospot.com

Post Top Ad

ശിവപ്രസാദ് പാലോട്

www.kavibasha.blogspot.com

Wednesday, May 16, 2012

അടുപ്പ്

അടുപ്പ്
 അമ്മയെപ്പറ്റി
എഴുതാനിരുന്നു
എഴുതി വന്നപ്പോള്‍
അടുപ്പിനെ കുറിച്ചായി

വായിച്ചു കേട്ടപ്പോള്‍
അമ്മ പറയുന്നു

രണ്ടും ഒന്നുതന്നെ
എപ്പോഴും
ഇടനെഞ്ചില്‍
ഒരു തീ വേണം
അതില്ലെങ്കില്‍
പുകഞ്ഞങ്ങിനെ....

അമ്മത്തോളില്‍
ഇറക്കി വക്കുന്ന
സങ്കടങ്ങള്‍
അരുമക്കയ്യില്‍
മലര്‍വാടിയാകും

ആളിക്കത്തിയും
നീറിയും ,
വിശക്കുമ്പോഴും
വിശപ്പകറ്റാന്‍
സ്വയം വേവും,

ഇടക്ക് വല്ലാതെ
പുകഞ്ഞു
കണ്ണ് നീറ്റിച്ചു
കടപ്പാടുകളെ
ഓര്‍മിപ്പിക്കും
ചിലപ്പോളൊക്കെ
എല്ലാ അതിരും ഭേദിച്ചു
പൊട്ടിത്തെറിച്ചെന്നിരിക്കും
പിന്നെ കെട്ടുകിടന്ന്
നിശബ്ദയാകും

അങ്ങിനെയാണ്
അമ്മ
അടുപ്പാകുന്നത്
അടുപ്പ്
അമ്മയും

1 comment:

  1. ആളിക്കത്തിയും
    നീറിയും ,
    വിശക്കുമ്പോഴും
    വിശപ്പകറ്റാന്‍
    സ്വയം വേവും,
    ഇടക്ക് വല്ലാതെ
    പുകഞ്ഞു
    കണ്ണ് നീറ്റിച്ചു
    കടപ്പാടുകളെ
    ഓര്‍മിപ്പിക്കും
    ചിലപ്പോളൊക്കെ
    എല്ലാ അതിരും ഭേദിച്ചു
    പൊട്ടിത്തെറിച്ചെന്നിരിക്കും
    പിന്നെ കെട്ടുകിടന്ന്
    നിശബ്ദയാകും
    അങ്ങിനെയാണ്
    അമ്മ
    അടുപ്പാകുന്നത് Great vision on mothers' stuggles. Ippol ithra maathram. veendum maashde kaviyude bhaasha kelkkan naaleyo mattennalo naalaannalo varaam. varum varaathirikkilla!

    ReplyDelete