Saturday, May 19, 2012

ആമ

എവിടെപ്പോയാലും

പാര്‍ക്കിലോ
ബാറിലോ
ജാഥയിലോ
കടപ്പുറത്തോ
എപ്പോഴും വീട്
അയാള്‍ക്കൊപ്പം ,

പലചരക്ക് കുറിപ്പടി
മരുന്നുശീട്ട്
പണയക്കുടിശിക
ചോരുന്ന മേല്‍ക്കുര
പുര നിറയുന്ന
നിശ്വാസങ്ങള്‍
വറ്റാനിനി വെള്ളമില്ലാത്ത
തിമിരക്കിണറുകള്‍

പായാരം മുറ്റമടിക്കുന്ന
സുപ്രഭാതങ്ങള്‍
കലങ്ങിയ കണ്ണുമായി
കുളിക്കാന്‍ പോകുന്ന
നട്ടുച്ചകള്‍
കലഹിക്കുന്ന
മൂവന്തികള്‍

എവിടെപ്പോയാലും
എപ്പോഴും വീട്
അയാളെ പിന്തുടരുന്നു
അതുകൊണ്ടാണ്
അയാള്‍ക്ക്‌ ഞങ്ങള്‍
ആമ എന്ന്
വിളിപ്പേരിട്ടത്

4 comments:

  1. അയാള്‍ ആരായിരുന്നു എന്ന ചോദ്യത്തിന് ഉത്തരം പറയാതെ തന്നെ പ്രസക്തി തോന്നിപ്പിക്കുന്ന ഒരു വേറിട്ട ചിന്ത..നന്നായിരിക്കുന്നു..ആശംസകള്‍..

    ReplyDelete
  2. നന്ദി പ്രവീണ്‍ ശേഖര്‍..നല്ല വായനക്ക്

    ReplyDelete