Friday, September 28, 2012

ഹോ


എന്തോരം നല്ല 
മനുഷ്യനായിരുന്നു 

എന്നയല്പക്കക്കാരന്‍

എന്റെ വലം കയ്യാണ്
പോയതെന്ന്
ആഫിസ് മേധാവി

മിനിഞ്ഞാന്നു പോലും
പയറുമണി പോലെ
നടന്ന ആളാ..
പോയ പോക്ക് കണ്ടില്ലേ എന്ന്
നാട്ടുകാര്‍

ഇന്നലെ കുറെ
ആക്കമുണ്ടായിരുന്നു എന്നും
കണ്ണ് തുറന്നു എല്ലാരെയും
ചോദിച്ചെന്നും
പൊടിയരിക്കഞ്ഞി
മോന്തിക്കുടിച്ചെന്നും
ബന്ധുക്കള്‍

ഏതു അര്‍ദ്ധ രാത്രിക്ക്
വിളിച്ചാലും
മൂപ്പര്‍ എന്തിനും
റെഡി ആയിരുന്നു എന്ന്
ലോക്കല്‍ നേതാവ്

ഓനു ഓന്റേതായ
ഒര് ചിട്ടണ്ടായിരുന്നു
എല്ലാറ്റിനും ന്ന്
സഹകുടിയന്‍

ഞങ്ങള് നാട്ടിന്‍ പുറത്ത്
ചത്തു കഴിഞ്ഞേ
ഇങ്ങനൊക്കെ
ചാക്കാല പാടാറുള്ളൂ
ങ്ങള് പട്ടണക്കാര്
ചാവണെന്റെ മുമ്പന്നെ
ചൊല്ലും ല്ലേ
മ്മക്കതോന്നും അങ്ങനങ്ങ്ട്
പോതിക്കിണില്ലാ ...

2 comments:

  1. തിലകന്‍ ചേട്ടനെ ഓര്‍മ്മവന്നു...!!
    കുറിക്കു കൊള്ളുന്ന വാക്കുകള്‍ !
    ഇഷ്ട്ടായിട്ടോ

    ആശംസകളോടെ...
    അസ്രുസ്.
    .....
    ....
    ...
    ..ads by google! :
    ഞാനെയ്‌ ...ദേ ഇവിടെയൊക്കെ തന്നെയുണ്ട് !
    ച്ചുമ്മായിരിക്കുമ്പോള്‍ ബോറടിമാറ്റാന്‍
    ഇങ്ങോട്ടൊക്കെ ഒന്ന് വരണട്ടോ..!!
    കട്ടന്‍ചായയും പരിപ്പ് വടയും ഫ്രീ !!!
    http://asrusworld.blogspot.com/
    http://asrusstories.blogspot.com/

    ReplyDelete