Saturday, June 29, 2013

മൌനപ്പുര

മൌനത്തിന്റെ 
അസ്തിവാരം കീറി 
മൌനം കൊണ്ട് തന്നെ 
അടിത്തറ 
മൌനം കൊണ്ട് കട്ടച്ച ചുവര്
മൌനം കൊണ്ട് 
വിറുങ്ങലിച്ച മേല്‍ക്കൂര 
മൌനം കൊണ്ട്
ശ്വാസം മുട്ടിയ വാതിലുകള്‍
ജനാലകള്‍

മൌനം കൊണ്ട് മുറ്റം
ഒരക്ഷരമുരിയാടാതെ
ചെടികള്‍ പൂവുകള്‍
ചുറ്റും മൌനത്തിന്റെ
മഹാമതില്‍
കൂട്ടില്‍
എല്ലാം മരന്നുറങ്ങുന്ന ശ്വാനന്‍

അതെ
മൌനം കൊണ്ടാണെന്റെ വീട്

2 comments:

  1. മൗനം എന്നെഴുതൂ മാഷേ

    ReplyDelete