Wednesday, July 10, 2013

ദേശാടനം

ദേശാടനം 

ചിറകടിച്ചുയരുമ്പോഴും
വേര്‍പെടുന്നില്ലീ ഭൂവിന്‍ 
സാന്ത്വന സ്പര്ശങ്ങള്‍,
ദേശാടനക്കിളികള്‍ നാം ..

ദൂരെയേതോ ചക്രവാളങ്ങള്‍
മാടി വിളിക്കുമ്പോഴും
വിട്ടുപോകാനാകുന്നില്ലീ
ഭൂവിന്‍ ഹരിതവീചികള്‍ ,

വേവുന്ന ചൂടില്‍ നിന്നോരിത്തിരി
കുളിരിന്റെ ലോലമാം തണലുകള്‍,
കറുക്കും കാലത്തിന്റെ
നാടകമിരതേടലുകള്‍,

കൊത്തിപ്പെറുക്കിയ വിശപ്പുകള്‍ ,
ചേക്കേറിയ അന്തികള്‍ ,
കൊക്കുരുമ്മി നാമിരുന്ന ചില്ലകള്‍,
പാടിയ പാട്ടുകള്‍..

ചിറകടിച്ചുയരുമ്പോഴും
പിന്‍വിളിയുമായെത്തുന്നു
കണ്ണീരോടൊരു പാടം,
അരുവികള്‍, കാടുകള്‍ ..

എങ്കിലും പോകാതെ വയ്യ ..
പോകാതെ വയ്യ ..
ദേശാടനക്കിളികള്‍ നാം ..
ദേശാടനക്കിളികള്‍ നാം ..

1 comment:

  1. എന്നാ പിന്നെ പോയിട്ട് വാ..

    ReplyDelete