നിലപ്പുകള്‍ കടുത്തു പെയ്തു കൊണ്ടിരിക്കെ
പെട്ടെന്ന് നിലച്ചു പോകുന്ന
മഴ
ഉച്ചസ്ഥായിയില്‍ മുഴങ്ങിയിരിക്കവേ
മൗനമായിപ്പോയ
സംഗീതം
പുഞ്ചിരിച്ചു നിന്ന് കൊണ്ട്
ഞെട്ടറ്റു വീണ
പുഷ്പം
തെളിഞ്ഞു കത്തുമ്പോള്‍
കെട്ടുപോയ
വഴിവിളക്കുകള്‍
മുറുകിയ ചുവടുകള്‍ക്കിടയില്‍
നിശ്ചലമായിപ്പോയ
നൃത്തം
അന്തമില്ലാത്ത ആഘോഷങ്ങള്‍ക്ക് ശേഷം
പെട്ടെന്ന് കൈവീശിപ്പോകുന്ന
മഴവില്ലുകള്‍
മദംപോട്ടിയോഴുകവേ
അണയിലോടുങ്ങിപ്പോയ
കാട്ടാറ്
ഇലയനക്കം പോലും ബാക്കിവക്കാതെ
എവിടെയോ പതുങ്ങിപ്പോയ
കാറ്റ്
ഇനിയുമേറെ ഉപമിക്കുവാന്‍
പ്രണയമേ
ജീവിതമേ
നീ എന്നിലത്രത്തോളം
ബാക്കിയില്ലല്ലോ
No comments:
Post a Comment