Friday, July 19, 2013

ഇടവഴിയിലൂടെ 


പോക്കുവരവിനു 
വീതി കുറഞ്ഞ മഴക്കാലത്ത്
അടച്ചു കെട്ടിയ ഇല്ലിവേലിയില്‍
നീലക്കണ്ണില്‍ ഒരു തുള്ളിയുമായി
നിന്ന ശംഖുപുഷ്പം
അക്ഷതവും ,എള്ളും തീര്‍ഥവും
പവിത്രമോതിരവും നാക്കിലയും
ഒഴുക്കിവിട്ടുള്ള ഈറന്‍ വരവ്
കൊലുസിന്റെ താളം
കോന്തലയിലെ മധുരം
നെറ്റിയില്‍ ചോരച്ചാലുള്ള കോമരം
ആനച്ചങ്ങലയുടെ കിലുക്കം
ഇടവഴികള്‍ പിന്‍വിളിക്കുന്നുണ്ട്
വീതി കൂടിയിട്ടും വല്ലാതെ
ഇടുങ്ങിപ്പോയ ജീവിതപാതയില്‍

No comments:

Post a Comment