Thursday, September 19, 2013

ഏട്ടന്‍ 

നിനക്ക് പിമ്പേ 
ജനിക്കെണ്ടിവന്നതിനാല്‍ 
ഒരു നല്ല കുപ്പായം 
എനിക്ക് കിട്ടിയിട്ടില്ല 
നീ ഇട്ടു പിഞ്ഞിയ 
വിഴുപ്പുകള്‍ 
നീ ഇട്ടു തേഞ്ഞ 
ചെരിപ്പുകള്‍ 
നീ ചീന്തിപ്പറിച്ച
പുസ്തകങ്ങള്‍

നീ ഉരുട്ടി ചക്രം തേഞ്ഞ
കളിപ്പാട്ടങ്ങള്‍
നീ തെളിച്ച വഴി
നീ കലക്കിയ നിറങ്ങള്‍

നിന്റെ പാട്ട്
നിന്റെ കളി
നിന്റെ കുരുത്തക്കേടുകള്‍ പോലും

എവിടെയും പിന്തുടരുന്ന
ചാരക്കണ്ണ്
എപ്പോഴും ചാടിവീഴാവുന്ന
വടിച്ചെത്തം

നിനക്ക് പിമ്പേ
ജനിക്കെണ്ടിവന്നതിനാല്‍
എനിക്കിന്നും
ഞാനാകാന്‍ പറ്റിയിട്ടില്ല

No comments:

Post a Comment