Saturday, November 23, 2013






മറക്കാന്‍ 

മറക്കണം എന്നുണ്ട് 
പക്ഷെ 

വെള്ളം കാണുമ്പോള്‍ 
ഓര്‍മ വരും 
പുഴയോരത്ത് 
നാമെത്ര ഒഴുകിയിട്ടുണ്ട് 

കാറ്റടിച്ചാല്‍
ഓര്‍മവരും
പറത്തി വിട്ട പട്ടങ്ങള്‍

ചുരം കയറുമ്പോള്‍
ഓര്‍മവരും
വേവലാതിയുടെ പകലുകള്‍

മൂടല്‍ മഞ്ഞു കാണുമ്പോള്‍
പൊതിഞ്ഞു നിന്ന
കിനാവുകള്‍

വിശപ്പ്‌ വരുമ്പോള്‍
ഓര്‍മവരും
വിശപ്പറിയാതെ
നാം നടന്ന ഉച്ചകള്‍

മഴ കാണുമ്പോള്‍
ഓര്‍മവരും
ചേര്‍ന്ന് നിന്ന ഒറ്റക്കുട

കടലു കാണുമ്പോള്‍
പിടഞ്ഞു വരുന്നു
ആ കണ്ണിലെ തിര

അതുകൊണ്ട്
മറക്കാതെ
മറക്കാതെ
തീ തിന്നിങ്ങിനെ ..


No comments:

Post a Comment