Friday, March 14, 2014

വൃന്ദാവനം


മൂത്ത മകന്‍
വില്ല വാങ്ങി മാറി
അവനും അവള്‍ക്കും
നഗരത്തിലാണല്ലോ ജോലി
രണ്ടാമത്തവന്‍
ഫ്ലാറ്റില്‍ വാടകയ്ക്ക്
കുട്ടികള്‍ക്ക് സ്കൂളെത്താന്‍
എളുപ്പത്തിനായി
ആറ്റുനോറ്റ് പിറന്ന
പെണ്ണൊരുത്തി
പായാരവും പരിവട്ടവുമായി
കാണാമറയത്ത്
ഇന്നലെ വരെ ഒപ്പമുണ്ടായിരുന്ന
ഇളയവന്‍ പുതിയ വീട് വച്ചു
കുട്ടികളുടെ കളിചിരികള്‍ നിലച്ചു
മുത്തച്ചനും ,മുത്തച്ചിയും
മച്ചകത്തിപ്പോള്‍ ഒറ്റക്കായി
വൃന്ദാവനം എന്ന വീട്ടുപേര്
പറിച്ചു കളഞ്ഞു
നാരായണന്‍ മാഷ്‌
വീടിനു വൃദ്ധസദനം
എന്ന് പേരിട്ടു ...

1 comment: