kavibasha.blgospot.com

Post Top Ad

ശിവപ്രസാദ് പാലോട്

www.kavibasha.blogspot.com

Friday, March 14, 2014

അടക്കം

അടക്കം 

കരഞ്ഞു കൊണ്ടാണെങ്കിലും 
കണ്ണുകള്‍ തിരുമ്പി അടച്ചു 
കോടിപ്പോയ ചുണ്ടുകള്‍ 
ചേര്‍ത്ത് വച്ചു
കാലുകള്‍ കൂട്ടിക്കെട്ടി
മൂക്കില്‍ പഞ്ഞി വച്ചു 
മതിയാവാതെ മതിയാവാതെ 
നെറ്റിയില്‍ അമര്‍ത്തി ചുംബിച്ചു 
കച്ച പുതപ്പിച്ചു

തുളസിയില മുക്കി
പിന്നെയും പിന്നെയും
വെള്ളം നല്‍കി
വായ്ക്കരിയിട്ടു

ഇനി തെക്കോട്ടിറക്കമാണ്
ഓര്‍മ്മകള്‍ വെറുതെ
പുലമുറയിട്ടു ..

കുറച്ചു ദിവസം കഴിയുമ്പോള്‍
മന്കൂനയുടെ ചുകപ്പ് വിടും
പുല്ലുമൂടും

അത് വരെയെങ്കിലും ചങ്കിലിങ്ങനെ
നീറി നില്‍ക്കുക പ്രണയമേ

No comments:

Post a Comment