Monday, May 26, 2014

പലവട്ടം
അയാളോട് 
പലവട്ടം പറഞ്ഞതാണ് 
രണ്ടു കെട്ടേണ്ട എന്ന് 
അതും 
ഒരു ചെറുപ്പക്കാരിയെയും 
ഒരു പ്രായക്കാരിയെയും ..
എന്നിട്ടോ എന്തുണ്ടായി ?
പ്രായക്കാരിയുടെ 
അടുത്ത് ചെല്ലുമ്പോള്‍ അവര്‍ പറയും
നോക്കൂ എന്റെ തല മുഴുവന്‍ നരച്ചു
നിങ്ങള്‍ക്കാനെങ്കില്‍ കറുത്തമുടിയും
ആളുകള്‍ എന്ത് പറയും ?
അതുകൊണ്ട് പ്രിയനേ
ഈ കറുത്ത മുടിയിഴകള്‍ ഞാന്‍
ഏറ്റവും സ്നേഹത്തോടെ പറിച്ചു മാറ്റുന്നു ..
ചെറുപ്പക്കാരിയുടെ അടുത്ത് ചെല്ലുമ്പോള്‍
അവള്‍ പറയും
പ്രിയനേ എന്റെ തലയില്‍ കറുത്ത മുടി
നിങ്ങളുടെ തലയിലാവട്ടെ
വെളുത്ത മുടിയിഴകള്‍
ആളുകള്‍ എന്ത് പറയും
അതുകൊണ്ട്
ഈ വെളുത്ത മുടിയിഴകള്‍
അത്യന്തം പ്രേമത്തോടെ
ഞാന്‍ പിഴുതു കളയുന്നു
വിരുന്നുകള്‍ പതിവുപോലെ
ആവര്‍ത്തിക്കുന്നു ...
അയാളിപ്പോള്‍ കണ്ണാടി
നോക്കാറില്ല ...
അയാളോട്
പലവട്ടം പറഞ്ഞതാണ് ..

No comments:

Post a Comment