kavibasha.blgospot.com

Post Top Ad

ശിവപ്രസാദ് പാലോട്

www.kavibasha.blogspot.com

Sunday, March 18, 2018

വത്തക്ക



പെണ്ണുകാണാൻ
ചെന്നതാണ്
അവൾ ഇരുട്ട് പുതച്ച്
പുറന്തിരിഞ്ഞു നിൽക്കുകയായിരുന്നു

കുടിക്കാനെന്താ വേണ്ടത്

അവൾ തിരിഞ്ഞു നിന്നു
രണ്ടു വത്തക്കകൾ
അലസം കത്തികൊണ്ടു മുറിച്ച്
കുരു കളഞ്ഞ്
ഗ്ലാസിലേക്കിട്ടു
കൺകോണിനോട് ചേർത്തു പിടിച്ച്
വെള്ളം നിറച്ചു

ഞങ്ങളുടെ നേരെ നീട്ടി

ചുണ്ടോടടുപ്പിച്ചപ്പോൾ
വല്ലാത്ത ചോരമണം
രുചിക്കുമ്പോൾ
പുളിക്കുന്ന ഞരമ്പുകൾ
അവളുടെ കാലിലെ
ഒറ്റപ്പാദസരത്തിന്റെ
കിലുക്കം വല്ലാതെ ഉയരുന്നു

പുറത്തേക്ക് ഓടുമ്പോള്‍
വേലിപ്പുറത്ത്
കിടപ്പുണ്ടായിരുന്നു
ചൂഴ്ന്നെടുത്ത് ബാക്കിയായിപ്പോയ
വത്തക്കാത്തോടുകൾ
തലയോട്ടികൾ പോലെ

വത്തക്കച്ചോറ് നിറച്ച ഗ്ലാസുകൾ
പിന്തുടരുന്ന പോലെ
കൈകൾ നീണ്ടുവരുമ്പോലെ
പൊടുന്നനേ പെയ്ത മഴയിൽ
ചുവന്നു തുടുത്തപ്പോൾ
ആകാശം നോക്കി

മുറിച്ചു വച്ച
ഒരു വലിയ വത്തക്ക
എപ്പോഴാണവൾ
ഭൂമിക്കു മുകളിൽ
കമഴ്ത്തിവച്ചത്...?

ശിവപ്രസാദ് പാലോട്

2 comments:

  1. വത്തയ്ക്ക ഭാരമാവുന്നവൾ
    വത്തക്ക കണ്ട് കൊതിക്കു
    ന്നവർ

    ReplyDelete