.jpg)
കിളി പോയി എന്ന പുത്തന്‍ മലയാള സിനിമയുടെ സംവിധായകന്‍ തച്ചനാട്ടുകരയുമായി വേരുകളുള്ള വിനയ്‌ ഗോവിന്ദ് .തച്ചനാട്ടുകര കുണ്ടൂര്‍ക്കുന്നു താഴത്തെ പള്ളത്ത് ഗോവിന്ദന്‍ കുട്ടിയുടെ മകനാണ് യുവ സംവിധായകനായ വിനയ്‌.വി കെ പ്രകാശിന്റെ സംവിധാന സഹായി ആയി പ്രവര്‍ത്തിച്ച വിനയിന്റെ ആദ്യ സ്വതന്ത്ര സിനിമയാണ് കിളി പോയി .ഈ സിനിമയില്‍ ഗായകനായും വിനയ്‌ എത്തുന്നുണ്ട്.മലയാളത്തിലുള്ള ഒരു പാട്ടാണ് വിനയ്‌ ആലപിക്കുന്നത്.പാട്ടിന്റെ വരികളും അദ്ദേഹത്തിന്റേത് തന്നെ .ബംഗളൂരുവില്‍ ഷൂട്ടിംഗ് നടന്ന പടം കഴിഞ്ഞ ദിവസമാണ് റിലീസ് ചെയ്തത് .സിബി തോട്ടുപുറം ജോബി മുണ്ടാമറ്റം എന്നിവരാണ് നിര്‍മാതാക്കള്‍.ആസിഫ്‌ അലി, അജു വര്‍ഗീസ് എന്നിവരാണ് പ്രമുഖ വേഷങ്ങള്‍.സമാത്ത അഗര്‍വാള്‍ ആണ് നായിക .സമ്പത്ത്‌ കുമാര്‍ ,ശ്രീജിത്ത് രവി , രവീന്ദ്രന്‍ ,വിജയ്‌ ബാബു, മൃദുല്‍ നായര്‍ ,ജോജു, എം ബാവ, ചെമ്പന്‍ വിനോദ്, സാന്ദ്ര തോമസ്‌ , ,സബ്രീന്‍ ബെക്കര്‍ എന്നിവരാണ് മറ്റു അഭിനേതാക്കള്‍ റഫീക്ക്‌ അഹമ്മദിന്റെ ഗാനങ്ങളും ചിത്രത്തില്‍ ഉണ്ട്.അതിരുകളില്ലാതെ യുവത്വം ആഘോഷിക്കുന്ന ചാക്കോ ,ഹരി എന്നീ രണ്ടു ബാംഗളൂര് യുവാക്കളുടെ കഥ പറയുന്ന സിനിമ ഇതിനകം ചര്‍ച്ചയായിട്ടുണ്ട് .ചാക്കോ ആയി ആസിഫ്‌ അലിയും ഹരിയായി അജു വര്‍ഗീസും വേഷമിടുന്നു . ജോസഫ്‌ കുര്യന്‍ ,വിവേക്‌ രഞ്ജിത്ത് ന്നിവരും സംവിധാനത്തിലും തിരക്കഥ രചനയിലും വിനയിനു സഹായികളായി ഉണ്ട് .പ്രദീഷ്‌ എം വര്‍മയാണ് ചായാഗ്രഹണം.മഹേഷ്‌ നാരായണന്‍ ചിത്ര സന്നിവേശവും,രാഹുല്‍ രാജ പശ്ചാത്തല സംഗീതവും അന്പരിവന്‍ സംഘട്ടന രംഗങ്ങളും കൈകാര്യം ചെയ്യുന്നു . ഇന്ഗ്ലീഷ്‌ സിനിമകളിലെത് പോലെയുള്ള ദൃശ്യാവിഷ്കാരവും ,സാങ്കേതികതകളും ചിത്രത്തില്‍ ഉണ്ടെന്നു നിരൂപകര്‍ വിലയിരുത്തുന്നു
.jpg)
ബംഗളുരുവിലെ പരസ്യ കമ്പയില്‍ ജോലി ചെയ്യുകയാണ് ചാക്കോ ഹരി എന്നിവര്‍ .യുവത്വത്തിന്റെ ആഘോഷ ജീവിതങ്ങളുടെകേന്ദ്രമായ നഗരത്തില്‍ എല്ലാം പരമാവധി ആസ്വദിക്കുക. സൌഹൃദങ്ങളും പാട്ടും ആട്ടവും ലഹരിയുമായി നഗരജീവിതത്തില്‍ ഉറങ്ങാത്ത രാത്രികളില്‍മുഴുകുക എന്ന ഒറ്റ ലക്‌ഷ്യം മാത്രം .എല്ലാ പ്രതീക്ഷകളും തെറ്റിച്ചു അവരുടെ ജോലി വില്ലനാകുന്നു ഓഫിസില്‍ തിരക്കൊഴിഞ്ഞിട്ടു നേരമില്ല. ഇരുവരും മാനസികമായി തകര്‍ന്നു. ഇതില്‍ നിന്നു മോചനത്തിനായി ഗോവയിലേക്ക്ഒരു യാത്ര.ആ യാത്രയുടെ ലഹരിയില്‍ ഗോവയില്‍ ആഘോഷമാക്കപ്പെടുന്ന യുവത്വം.അവിടെ വിദേശി യുവതിയുമായി ചങ്ങാത്തം അതിന്റേതായ പ്രശ്നങ്ങള്‍ ഉണ്ടാക്കുന്നു.മയക്കുമരുന്നു നിറച്ച ബാഗ് അവരുടെ കൈകളിലെത്തി. അതു കളയാനും വില്ക്കാനുമെല്ലാമുള്ള ശ്രമങ്ങളിലായി ചാക്കോയും ഹരിയും. ഗോവന്‍ യാത്രയിലെ പ്രശ്നങ്ങള്‍ അവര്‍ക്കു പിന്നാലെ പിന്നീട് ബാഗലൂരിവിലും എത്തുന്നു .സംഭവ വികാസങ്ങള്‍ പരിഹരിക്കാന്‍ ശ്രമിക്കുമ്പോള്‍ ചാക്കോയും ഹരിയും പുതിയ പ്രതിസന്ധികളില്‍ എത്തുന്നു.
സിനിമ കണ്ടില്ല.. കാണാം.... :)
ReplyDeleteGOOD
ReplyDeleteനന്നായി...:)
ReplyDelete