തഴമ്പ്
അച്ഛന്റെ കയ്യില്
ഒരു തഴമ്പുണ്ടായിരുന്നു
അന്നന്നത്തെ അന്നത്തിന്റെ ..
അമ്മയ്ക്കുണ്ടായിരുന്നു
കവിളില് കണ്ണീരൊലിച്ചുണ്ടായത്
പെങ്ങളെപ്പോഴും
കാട്ടുവഴികളിലൂടെ നടന്നു
കാലിലുണ്ടായ തഴമ്പിനെ പറ്റി
വ്യാകുലയായിരുന്നു
വെയില് കൊണ്ട്
പകലിനും
നിലാവ് കൊണ്ട്
രാത്രിക്കും തഴമ്പ്
മഴ കൊണ്ടുണ്ടായ
തഴമ്പിനെ പറ്റി
മണ്ണാണ് പറഞ്ഞത്
കാത്തിരിപ്പിന്റെ
തഴമ്പ് കൊണ്ട
വഴിയമ്പലങ്ങള്
പിറകില് കത്തി സൂക്ഷിച്ച
സൌഹൃദങ്ങള്ക്കൊക്കെ
സ്ഥാനത്തും അസ്ഥാനത്തും
തഴമ്പുകള്
കേട്ട് കേട്ട്
ചെവി തഴമ്പിച്ചു
തീ പ്രണയമെന്നു നീ
ഇതൊക്കെ കണ്ടും കേട്ടുമാണ്
എനിക്ക് മനസ്സില്
തഴമ്പുണ്ടായത്
No comments:
Post a Comment