കുടുംബാങ്കങ്ങള്‍

വീട്ടിലെ അംഗങ്ങള്‍ ആരൊക്കെ ?

വീട്ടിലെല്ലാരും അങ്കത്തിലാ മാഷേ

അമ്മ അടുക്കളയില്‍
അടുപ്പായി
അച്ഛന്‍ അമ്മയുമായി
പതിവാണ്
മുത്തശന്‍ ആരോടൊക്കെയോ
എന്നുമുണ്ട്
മുത്തശി
പശുവുമായാ അങ്കം
പിടിച്ചാല്‍ കിട്ടുന്നില്ല
ചേച്ചി ഒരുത്തി
സാമൂഹ്യപാഠവുമായി
ഒരിക്കലും ജയിക്കുന്നില്ല

ഞാന്‍ മൊബൈലിലെ
കാറോട്ടവുമായി
ചാഞ്ഞും ചരിഞ്ഞും
പുസ്തകങ്ങളുമായി
ഞെളിഞ്ഞും പിരിഞ്ഞും

എല്ലാരും ഓരോരോ അങ്കത്തിലാ മാഷേ
മാഷും ..
മാഷോടാരും ചോദിക്കാത്തത് കൊണ്ടാ

ആനന്ദധാരയോ
ആനന്തധാരയോ
ദാരയോ
താരയോ
ആനത്താരയോ
അംഗമോ
അങ്കമോ
ഉള്ളില്‍ മുന വന്ന
അങ്കുശവുമായി
മാഷും അങ്കത്തിലായി ..

ശിവപ്രസാദ് പാലോട്