ചേരപുരാണം

ചേരപുരാണം

വിജയന് ചേരകളെ
വലിയ കാര്യമായിരുന്നു
എത്രയെത്ര ചേരകളാണ്
കമ്പിയില്‍ കുടുങ്ങിയത്തില്‍ നിന്നും
വലയില്‍ കുടുങ്ങിയതില്‍നിന്നും
സ്ക്കൂള്‍ കുട്ടികളില്‍നിന്നും
വിജയഹസ്തത്താല്‍ മോചിതരായത്
വിജയന്‍ ജോലി തേടി
ചേരയെ തിന്നുന്ന
നാട്ടിലെത്തിയപ്പോഴാണ്
കാര്യം പരുങ്ങലിലായത്
ചേരയെ തിന്നുന്ന നാട്ടില്‍
ചെന്നാല്‍ നടുമുറി ചോദിച്ചു
തിന്നണമെന്ന ആപ്തവാക്യം
ഓര്‍ത്തിട്ടാവണം
വിജയനും തിന്നു
 ഒരു ചേരയുടെ നടുമുറി തന്നെ
പിന്നെപ്പിന്നെ വിജയന്‍
ചേരകളെ കണ്ടാല്‍ വിടതായി
 പ്രധാന ആഹാരം
 ചേര തന്നെ
ചേരകള്‍
പിന്നെ വിജയസമക്ഷത്തില്‍
 എത്തിപ്പെടതെയായി
ചേരയെ പ്രസവിച്ചത് കൊണ്ട്
മാത്രം വഴി അടിച്ചു
വാരുന്ന ചില അമ്മമാരും
അള മുട്ടിയാല്‍ കടിക്കുന്ന
ചില ചേരകളും മാത്രം
വിജയനെതിരെ സമരം ചെയ്തു
വിജയന് ഇതിനിടെ ചില ബിരുദങ്ങളും കിട്ടി
വിജയന്‍ നെടുംചെരലാതന്‍
വിജയന്‍ ചെങ്കോട്ടുവാന്‍
എന്നിങ്ങനെ
ഇതെഴുതുമ്പോഴും
 പാവം എന്റെ വിജയന്‍
ചേരയെ തേടി നടക്കുകയാണ്
ഒരു ജോലിയുണ്ടാക്കിയ
പുകിലോര്‍ത്തും
 ഒരു പഴംചൊല്ലിന്റെ
അറം ആലോചിച്ചും
ഞങ്ങളിപ്പോള്‍
ആല്‍ത്തറയില്‍ തലകുനിച്ചിരിക്കുന്നു