കവലക്കടയിലൊരു
വികലാംഗ ബെഞ്ചില്‍
വരൂ മഞ്ഞച്ച ഗ്ലാസില്‍
ഒരു സംവരണ ചായയാവാം
ഗഹന വിഷയങ്ങള്‍ക്ക്‌
അറിവില്ലയ്മയിലിടം
നമുക്ക് ചര്‍ച്ച
മഴ മഞ്ഞു വെയില്‍ കനം
ഓല തടുക്കു തിയറ്ററില്‍
ഭ്രംശ കാഴ്ചകളുടെ തുച്ച ടിക്കെട്ടില്‍
സ്നേഹിതാ
കഥയില്‍ ചോദ്യമുള്ള
ഒരു പടം കണ്ടിറങ്ങി
വരി നിന്ന് മോന്താം
നടനില്‍ നിറം ചേരും
പരദേശി പ്രേതത്തെ
വെള്ക്കാം ചൂടിയ പൂ
വീണ്ടും വിരിയുന്ന പാഴ് രാത്രിയെ
നമ്മുടെ വിയര്‍പ്പിന് നാട്ടമില്ല
വിശപ്പിനു ഏമ്പക്കവും
ടഹതിനെ നിശ്ശ്വാസവുമില്ല
സ്വപ്നത്തിലോ
മുറവും മുറ്റവും ചൂലും,
ചൂരും കൊതുകും,
പായും മൂട്ടയും,
ചൊറി, ചിരങ്ങുകളും,
കട്ടപ്പാര ,പേരും ചുറ്റിക,
പൊള്ളുന്ന ഒരാല,
മഴു,പഴംപാട്ട്,
ആനുകാലികത്തിന്റെ
ഒടുങ്ങാത്ത ചവറ്റുകുട്ടയിലേക്ക്
ഒരു സംവരണ കവിതയുടെ
കുമ്പസാരം ചുരുളുംപോള്‍
ഒറ്റുകാരാ ഞാന്‍ നിന്റെ ഇര
എന്നെ കൊതി പറന്നകന്നിടുക
ഇത് അധികാരത്തിന്റെ
നിയോജക മണ്ഡലം
No comments:
Post a Comment