kavibasha.blgospot.com

Post Top Ad

ശിവപ്രസാദ് പാലോട്

www.kavibasha.blogspot.com

Monday, December 26, 2011

നമുക്കുള്ളതൊക്കെയും

നമുക്കുള്ളതൊക്കെയും 

നിനക്ക് സമ്മാനിക്കാതിരുന്ന
നക്ഷത്രങ്ങള്‍ കൊണ്ടാണ് 
പുല്ക്കൂടിനെ അലങ്കരിച്ചത് ,
കൂടു കൂട്ടുവാന്‍
ഒന്നിച്ചു കൊത്തി കൊണ്ട് വന്ന
നാരു,വേരുകള്‍ കൊണ്ടാണ്
പുല്‍ക്കൂടുണ്ടാക്കിയത് ,

നട്ടു വളര്‍ത്തിയ
പൂമരത്തെ ചോടെ വെട്ടിയാണ്
കച്ച പൊതിഞ്ഞു ,
കരയുന്ന ചില്ലക്കൈകളെ
ഒടിച്ചു കളഞ്ഞാണ് ,
കടലാസു പൂക്കള്‍ കെട്ടിവച്ചു
ക്രിസ്തുമസ് മരമാക്കിയത് ...

മരുഭൂമിയിലേക്ക്
യാത്രപോകാന്‍ ഒരുക്കൂട്ടിയ
മഞ്ഞു കൊണ്ടാണ് കുളിര് തീര്‍ത്തത് ,
ഇനിയൊന്നും ബാക്കിയില്ല
പാടാന്‍ ശീലുകളോ
ആടാന്‍ ചുവടുകളോ പോലും

എന്നാലും അന്തി മേയുന്ന
പകലുകളില്‍
കണ്ണില്‍ കണ്ണില്‍ നോക്കി
അര്‍ത്ഥമില്ലാത്ത
ആശംസ ചൊരിയാം..
പുതു വര്‍ഷമെല്ലേ
?

No comments:

Post a Comment