ഇന്ന്
പൊരിവെയിലത്ത്
അകന്നു പോയ
വര്ണക്കുടകളെക്കാള്,
ഇത്തിരിയിടം തന്ന
കീറക്കുടയാണ് എനിക്കിഷ്ടം ,
അന്ധ കൂപത്തിലുഴറുമ്പോള്
ചേര്ന്ന് വന്ന
മിന്നാമിന്നിയോടുതന്നെയാണ്
പ്രേമം കൊരുത്തത് ,
അയഞ്ഞ ഹസ്തദാനത്തെക്കാള്
മുങ്ങിത്താഴുമ്പോള് കിട്ടിയ
കച്ചിത്തുരുമ്പിന്റെ മുറുക്കമാണ്
എനിക്കിഷ്ടം ,
വെറുതെ വഴുക്കി വീഴുന്ന
വാക്കുകളേക്കാള്
മനസ്സറിഞ്ഞ നിന്റെ
നാല് ചീത്ത മതി ,
വാലന്റൈന്സ് ദിനത്തില് .
No comments:
Post a Comment