Saturday, June 29, 2013

തുലാഭാരം 


ജീവിതത്തിന്റെ 
തുലാസില്‍ 
പലപ്പോഴും 
അളവുകള്‍ കൃത്യമാല്ലാതെ വരുന്നു 

കടപ്പാടിന്റെ 
തൂക്കത്തിന് 
ജന്മം മുഴുവന്‍
എടുത്തു വച്ചിട്ടും അനക്കമില്ല

സൌഹൃദത്തിന്റെ
തട്ടിന് വച്ച
ഹൃദയം പൊള്ള

പ്രണയത്തിന്റെ
തട്ട് എന്നും
നിറയാതെ നിറയാതെ
എത്രമേല്‍
പിണങ്ങിയിട്ടും

ഒരളവും
കൃത്യമല്ലെന്നറിഞ്ഞിട്ടും
ഇന്നും ഈ തുലാസില്‍
തൂക്കി നോക്കിയിരിക്കുന്നു
ചത്ത്‌ മലച്ച കണ്ണുകള്‍

No comments:

Post a Comment