Thursday, September 19, 2013

ചിരി 

പ്രണയാധിക്യത്തിന്റെ
ഏതോ 
ചാരിക്കിടന്ന നിമിഷത്തില്‍ 
ഞാന്‍ 
അവളോട്‌ പറഞ്ഞു 

പെണ്ണെ നീ എന്റെ ടൈംപീസല്ലേ .?

സൂചികളെല്ലാം നിശ്ചലമാക്കി 
ലോകത്തെ 
ഒറ്റനോട്ടത്തില്‍ തളച്ചിട്ട്
അവളൊന്നു ചിരിച്ചു
സമയത്തിന്റെ ചിരി .


പൂതികള്‍ 

ചിലപ്പോഴൊക്കെ 
ഞാന്‍ 
ഒരു പൂത്തിരി ആകാറുണ്ട് 

അപ്പോളൊക്കെ കൊതിച്ചിട്ടുണ്ട് 

നീ ഒന്ന് വന്നു 
എന്നെ ഒന്ന് കത്തിച്ചിരുന്നെങ്കിലെന്ന്

നിന്റെ കണ്ണിലെ
ആ തിളക്കങ്ങളില്‍
ചുണ്ടിലെ ആ ചിരിയില്‍
ശബ്ദത്തിലെ ആഹ്ലാദത്തില്‍
തണുത്ത വിരലുകളില്‍

എനിക്ക്
സാവധാനം
മരിച്ചു പോകാമായിരുന്നു




No comments:

Post a Comment