Friday, October 25, 2013

കടലുള്ളം

തീരത്ത് എവിടെയോ 
ഇട്ടേച്ചു പോയ 
ശംഖിനെ അറിയുമോ എന്ന് 
കടലിനോട് കുറെ 
പ്രാവശ്യം ചോദിച്ചതായിരുന്നു 

അറിയില്ല ഞാന്‍  ശൂന്യമാണ് 
ഉത്തരം പറയാന്‍ കഴിയുന്നില്ല
എന്നൊക്കെ മറുപടി

ഇന്ന് ചോദിച്ചപ്പോള്‍ ഇതാ
നിറഞ്ഞു ചിരിച്ചു
ഉപ്പ് നിറഞ്ഞ ഒരു നോട്ടം നോക്കി
ഒരു തിരപ്പുറത്ത് കയറി
ഒറ്റപ്പോക്ക്

ഞാനറിയാത്ത
കടലുള്ളം

2 comments:

  1. ഉത്തരവാദിത്വം ഇല്ലാത്ത കടൽ

    ReplyDelete
  2. നമ്മളറിയാത്ത
    കടലുള്ളം

    ReplyDelete