കൂട്
ആദ്യം
ഒരു മൈനയായിരുന്നു ,
നല്ല പാട്ടായിരുന്നു
ഇടി വെട്ടിയ
രാത്രിയില്
അത് ചത്തു പോയി
പിന്നെക്കിട്ടിയത്
തത്തയായിരുന്നു
കൊഞ്ചിച്ചു കൊഞ്ചിച്ചു
ഊട്ടിയും ഉറക്കിയും
നോക്കിയതായിരുന്നു
ഒരുച്ചക്ക്
വാതില് ഒരു നിമിഷം
അടയ്കാന് മറന്നപ്പോള്
അത് തിരിഞ്ഞു നോക്കാതെ
പാറിപ്പോയി
ഇപ്പോള് കൂട്
കാലിയാണ്
രാവേറുമ്പോള്
ഒരു നത്ത് വന്ന്
മൗനമായി
മിഴിച്ചിരിക്കാറുണ്ട്
തലതിരിഞ്ഞ ഏതോ വവ്വാല്
വന്നു പോകാറുണ്ട്
അഴികള് ഒക്കെ
തുരുമ്പിച്ചിട്ടുണ്ട്
നിറമടര്ന്ന്,കണ്ടാല്
ഒരു പേക്കിനാവ് പോലെ
മറവികള് പെറുക്കി നടക്കുന്ന
ആര്ക്കെങ്കിലും
കൊടുക്കണം
നാളെയാകട്ടെ .
ആദ്യം
ഒരു മൈനയായിരുന്നു ,
നല്ല പാട്ടായിരുന്നു
ഇടി വെട്ടിയ
രാത്രിയില്
അത് ചത്തു പോയി
പിന്നെക്കിട്ടിയത്
തത്തയായിരുന്നു
കൊഞ്ചിച്ചു കൊഞ്ചിച്ചു
ഊട്ടിയും ഉറക്കിയും
നോക്കിയതായിരുന്നു
ഒരുച്ചക്ക്
വാതില് ഒരു നിമിഷം
അടയ്കാന് മറന്നപ്പോള്
അത് തിരിഞ്ഞു നോക്കാതെ
പാറിപ്പോയി
ഇപ്പോള് കൂട്
കാലിയാണ്
രാവേറുമ്പോള്
ഒരു നത്ത് വന്ന്
മൗനമായി
മിഴിച്ചിരിക്കാറുണ്ട്
തലതിരിഞ്ഞ ഏതോ വവ്വാല്
വന്നു പോകാറുണ്ട്
അഴികള് ഒക്കെ
തുരുമ്പിച്ചിട്ടുണ്ട്
നിറമടര്ന്ന്,കണ്ടാല്
ഒരു പേക്കിനാവ് പോലെ
മറവികള് പെറുക്കി നടക്കുന്ന
ആര്ക്കെങ്കിലും
കൊടുക്കണം
നാളെയാകട്ടെ .
No comments:
Post a Comment