Saturday, November 2, 2013

മൗനവും ഭ്രാന്തും 

തീരെ വില കുറഞ്ഞതും 
എളുപ്പത്തില്‍ ഉരുകുന്നതുമായ 
എന്തോ കൊണ്ട് 
ഉണ്ടാക്കിയതാണ് 
എന്റെ ഹൃദയമെന്നതനിനാല്‍ 

(ഒറ്റപ്പെടുമ്പോള്‍ അത് തേങ്ങി കരഞ്ഞു
വേദനയുടെ വിഷം മോന്തിക്കൊണ്ട് പിടഞ്ഞു 
നിലവിളിച്ചു, )

അതൊരു ശല്യമായത് കൊണ്ടാണ്
എനിക്കറിയാം, കാലത്തിനു ഒപ്പം മേഞ്ഞ്
യുഗങ്ങളുടെ ചരിത്ര പുസ്തകം
ചവിട്ടിയരച്ച്,പൂവാടിക്ക് തീയിട്ട്
നിന്റെ മൗനം

(അതിനിപ്പോള്‍ പിറകിലേക്ക് കണ്ണുകളില്ല
ഒന്നും തൊട്ടറിയാന്‍ ആവാത്ത വിധം
അതിന്റെ നാഡികളില്‍ മരവിപ്പ് )

ഒന്നും ഏല്‍ക്കാത്ത
കടുത്ത, അപരിചിതമായ ലോഹക്കൂട്ടുകൊണ്ടാണ്
നിന്റെ മൌനത്തിന്റെ
കവചം എന്നതാണിപ്പോള്‍
എന്റെ ഭ്രാന്ത്

(ഇടയ്ക്ക് അത് ഉടുതുണി അഴിച്ചു വച്ചു
പ്രണയമായി നഗ്നപ്പെടുന്നു
നമുക്ക് മാത്രം മനസ്സിലാകുന്ന
രഹസ്യ ഭാഷയിലാണ് അതിന്റെ പേച്ച്)

ആ മൗനവും
ഈ ഭ്രാന്തും
വീര്‍പ്പുമുട്ടലിന്റെ ഇരുട്ടുകളില്‍
ഇണചേര്‍ന്നു കിടക്കുന്നത്
എനിക്ക് കാണാനാവുന്നുണ്ട്

ഒരു ദംശനത്തിനുള്ള
കൊതി കൊണ്ട് ഞാനവയെ
കുത്തി നോവിച്ച്
പകയേല്‍ക്കാന്‍
ഇങ്ങിനെ കാത്തിരിക്കുകയാണ്

No comments:

Post a Comment