Saturday, December 14, 2013

ഒറ്റ മേഘമേ 


നരച്ച മാനത്തലയുന്ന 
ഒറ്റ മേഘമേ 

നിനക്കുണ്ടായിരുന്നല്ലോ 
മെടഞ്ഞിട്ടൊരു കാര്‍കൂന്തല്‍ 
അലസം തിരുകി വച്ചൊരു 
തുളസീദളം
വിരിഞ്ഞിറങ്ങിയ പൂവ് പോലെ
ഉയിര്‍ത്തു വന്നൊരു തളിര് പോലെ
നിനക്കുണ്ടായിരുന്നല്ലോ
കിനാവിലോക്കെയും
ഞാന്‍ വരച്ചിട്ട നിലാച്ചന്തം

ഇന്നില്ലാ കടാക്ഷങ്ങള്‍
തോട്ടിടാ വിരല്‍ത്തുമ്പു പോലും
മിണ്ടിടായൊരുവാക്ക്
ചത്ത ഹൃദയം കൊണ്ടുപോലും

മുള്ളുകള്‍ മാത്രം പൂക്കുന്ന
തോപ്പിലിനി
വിരിയില്ല പൂവുകള്‍
കരിയട്ടെ നാമൊന്നിച്ച_
യതിരില്ലാ ഭൂപടം

ഇനി നിനക്കൊരു പെയ്ത്തില്ല
ഇനി ഞാനൊരു മണ്ണല്ല
കൊടും ചൂടിന്‍ ബലിക്കല്ലില്‍
ഓടുങ്ങട്ടെ
നമ്മളത്രയും

നരച്ച മാനത്തലയുന്ന
ഒറ്റ മേഘമേ

No comments:

Post a Comment