ഒക്കെയും
രംഗം ഒന്ന്
അവന് /അവള് കരയുന്നു
ആരൊക്കെയോ ഓടി കൂടുന്നു
അവര് ഉച്ചത്തില് ഉച്ചത്തില്
കരഞ്ഞു കൊണ്ടേ ഇരിക്കുന്നു
ആളുകള് കേട്ട് കൊണ്ടേ ഇരിക്കുന്നു
രംഗം രണ്ട്
അവന് /അവള് കരയുന്നു
ആരും തിരിഞ്ഞു നോക്കുന്നില്ല
അവര് ഇടം വലം നോക്കി
ഉച്ചത്തില് ഉച്ചത്തില്
കരഞ്ഞു കൊണ്ടേ ഇരിക്കുന്നു
ആരും തിരിഞ്ഞു നോക്കുന്നില്ല ...
രംഗം മൂന്ന്
ചുറ്റും നോക്കി
അവന് /അവള്
കരച്ചിലിന്റെ പായ മടക്കി
പരസ്പരം മരിച്ചു
എന്നുറപ്പ് വരുത്തി
എഴുനേറ്റു പോകുന്നു ...
മേമ്പൊടിക്കായി ജീവിതം
എന്നെഴുതിയ കൊടി പിടിച്ച്
ഒരു ജാഥക്ക് ഓരത്ത് കൂടി
വാ മൂടിക്കെട്ടി
മൌനമായി പോകാവുന്നതാണ്
ഇത്രേ ഉള്ളൂ കാര്യങ്ങള് ...
Post Top Ad
ഉള്ളടക്കം
Wednesday, April 15, 2015
Subscribe to:
Post Comments (Atom)
No comments:
Post a Comment