kavibasha.blgospot.com

Post Top Ad

ശിവപ്രസാദ് പാലോട്

www.kavibasha.blogspot.com

Thursday, March 30, 2017

7:03 AM

ജല കഥകള്‍

ജല ദിനം


 സഹ്യപർവ്വതം മുതൽ അറബിക്കടലു വരെ നീണ്ട വലിയ കുഴി തോണ്ടി പുഴയെ മറചെയ്ത് നമ്മൾ വർഷാവർഷം ജലദിനം എന്ന് ശ്രാദ്ധ മുട്ടുന്നു 


മറവി
.
അയ്യോ കിണർ പൂട്ടാൻ മറന്നല്ലോ എന്ന നിലവിളിയോടെ അയാൾ ബസ് സ്റ്റോപ്പിൽ നിന്നും വീട്ടിലേക്ക് ഓട്ടോ പിടിച്ച് പാഞ്ഞു


ബാക്കി
.

 ഷവറിൽ നിന്നും രണ്ടു തുള്ളി. അയാളുടെ നെറുകയിൽ വീണു കുളിമുറിയുടെ നാലു ചുവരുകൾക്കുള്ളിൽ ഒരു തേങ്ങൽ പ്രതിധ്വനിച്ചു മകനേ ഇതേ ബാക്കിയുള്ളൂ.
6:48 AM

രൂപാന്തരണം



കപ്പിയും
തൊട്ടിയും
ആക്രിക്കച്ചവടക്കാരന്‍
തൂക്കിയെടുത്തു

കയറാവട്ടെ
ആരുടെയോ
നൈരാശ്യത്തിനോപ്പം
തൂങ്ങിക്കൂടി
ഏറെയുണങ്ങിയ
തണ്ടും കാലും
അടുപ്പിന്റെ വായിലേക്ക്
കയറിപ്പോയി
.
എണ്ണി മടുത്ത
കുപ്പികളുറകള്‍,
കൊന്നതും മരിച്ചതും
നെഞ്ചിലേക്ക് വീഴുന്നു
ആള്‍മറ വിണ്ടു കീറി
ആഴത്തിലേക്ക്
ഇരുണ്ടയാകാശത്തെയും
പൊട്ടിയൊലിക്കുന്ന
ഒരു ഉറവയെയും
തുറുകണ്ണോടെ
കിനാക്കണ്ട്
അത് അനങ്ങാതെ നില്‍ക്കും
ആര്‍ക്കും വേണ്ടാത്ത മൂലയില്‍
അങ്ങിനെയാണ് കിണര്‍
പൊട്ടക്കിണര്‍ ആയി
രൂപാന്തരപ്പെടുന്നത്