സഹന കാണ്ഡം 

വിഴുപ്പു ചുമന്നും നൊന്തും അടികൊണ്ടു നോണ്ടിയും
വിശന്നു തെണ്ടിയും പേടിച്ചു മണ്ടിയും
കാമിച്ചു കരഞ്ഞും മടുത്ത കഴുതക്കൂട്ടംസുദര്‍ശന ക്രിയക്ക്  ഒത്തു ചേര്‍ന്നു

ഒടുവില്‍ ക്ഷമ തെറ്റിയ ദൈവം കണ്‍ തുറന്നു. 

                   കഴുതകള്‍ ചോദിച്ചു തുടങ്ങി 

വിഴുപ്പു  ചുമക്കുന്നതില്‍  നിന്നും     സര്‍വകാല മോചനം ?

ദൈവം:  സാധ്യമല്ല ..

പീഡനങ്ങളില്‍ നിന്നും  ഇടക്കാല ആശ്വാസം?

ദൈവം: നടപ്പില്ല

പൂര്‍വ കാല പ്രാബല്യത്തോടെ സമീകൃത ആഹാരം ?

ദൈവം:  ആ പൂതി വേണ്ട  

‍പിന്നെ എന്ത് തരും ?(കോറസ്)

അഞ്ചു കൊല്ലത്തില്‍ ഒരിക്കലോ അമ്പലക്കുരങ്ങുകള്‍ക്ക്

സിംഹവാലന്‍ കുരങ്ങുകള്‍

പിന്തുണ പിന്‍ വലിക്കലോ ഏതാണോ  ആദ്യം വരുന്നതെങ്കില്‍

ആ മുറക്ക് പൊട്ട ചട്ടി നിറയെ സമ്മതി ദാന അവകാശം തരാം 

അതോടെ കണ്ട്രോള്‍ റൂമുമായി ദൈവത്തിന്റെ ബന്ധം നിലച്ചു.

സര്‍വമാന കഴുതകളും സുദര്‍ശന ക്രിയയില്‍ നിന്നുംപുറത്തുചാടി

 ഭാരത പുഴയുടെ തീരത്തേക്ക് മണല്‍ ചുമക്കാനായി പോയി.